Einkunnarorð fyrirtækisins "Þar sem hlutirnir gerast" endurspeglar markmið okkar að vinna verkin hratt en vel. Forráðamenn fyrirtækisins samstilla vinnuálag, starfsmannafjölda og viðskiptavini til að mæta kröfum allra.
Enda þótt Skattur & bókhald samanstandi af tiltölulega fámennum hópi fólks er samanlögð starfsreynsla þess í faginu um 400 ár. Kröfur eru gerðar til starfsfólksins um frumkvæði og sjálfstæði, öguð vinnubrögð og gagnrýna hugsun. Námsfýsi er mikilvæg svo fólk staðni ekki sem og hæfni til að vinna með öðrum svo skapa megi sterka liðsheild. Vinnuálagi er stillt í hóf svo fólk hafi tækifæri til að eflast, njóta lífsins og hafi ánægju af því að þjónusta viðskiptavini okkar.
Opið fyrir umsóknir um frestun gjalddaga vegna Covid-19 Góðan dag Eitt af úrræðum sem stjórnvöld hafa ráðist í til að mæta efnahagslegum áhrifum heimsfaraldurs Covid-19 er að heimila þeim launagreiðendum sem eru í rekstrarörðugleikum af þessum sökum að fresta þremur gjalddögum staðgreiðslu launamanna og tryggingagjalds. Heimildin snýr að gjalddögum á tímabilinu frá 1. apríl til 1. desember 2020. Frestun gjalddaga yrði til 15. janúar 2021. Opnað hefur verið fyrir umsóknir um frestun gjalddaga á þjónustusíðu. Nánari upplýsingar um úrræðið og leiðbeiningar með umsókn er að finna á vef Skattsins. Kveðja Skatturinn
Í ljósi fordæmalausra aðstæðna í þjóðfélaginu höfum við takmarkað aðgengi að starfsstöð og starfsmönnum okkar, til að verja starfsfólkið og fjölskyldur þeirra. Við höfum komið upp gagnamóttöku í anddyrinu hjá okkur og óskum þess að viðskiptavinir skilji gögn sín eftir þar. Einnig reynum við að komast hjá öllum fundum með því að biðja ykkur um að hringja í okkur. Langflest mál má leysa í gegnum síma. Stöndum saman meðan þetta gengur yfir. Starfsfólk Skatts & bókhalds